Премьер-министр Мухаммедкалый Абылгазиев энергетика тармагындагы коррупциялык тобокелдиктерди жоюп, анын ишин ачык-айкын кылууну тапшырды. Бул тууралуу өкмөт башчы энергетика тармагын реформалоо боюнча өкмөттө өткөн кеңешмеде айтты.
- Буга чейин алынган насыялык каражаттарды тейлөө, жаңы кубаттуулуктарды ишке киргизүү, энергетикалык тармакты өнүктүрүү боюнча документтерди жаңылоо маселелери курч бойдон турат, - деди Абылгазиев.
Премьер-министр жабдуулар көбүнесе чет өлкөдөн сатылып алынарын, ушундан улам өлкөдө «акылдуу эсептегичтерди», кабелдерди, трансформаторлорду жана башка техниканы чыгаруу боюнча өндүрүштү уюштуруу боюнча сунуштарды кигизүүнү тапшырды. (BTo)