"Даңк" медалынын ээси, геолог Аскер Турдукулов 83 жашында оорудан улам дүйнөдөн кайтты. Улуттук илимдер академиясы кабарлагандай, 21-январда көз жумган окумуштуунун сөөгү 23-январда жерге берилди.
Геология-минералогия илимдеринин доктору, жүздөн ашуун илимий эмгектин автору негизинен сейсмология жаатында изилдөөлөрдү жүргүзүп, сейсмикалык кооптуу аймактарды аныктоого салым кошкон. 1994-жылдан 2005-жылга чейин Сейсмикалык институтту башкарган.
Маркум Бишкек, Кара-Балта, Талас, Нарын, Жалал-Абад, Кызыл-Кыя, Өзгөн, Таш-Көмүр шаарларынын, Чоң Кемин, Төмөнкү Ала-Арча суу сактагычтарынын сейсмикалык микрорайондоштуруу карталарын түзүүгө жигердүү катышкан.
