Линктер

ЧУКУЛ КАБАР!
2-Декабрь, 2021 бейшемби, Бишкек убактысы 09:19

Бишкек-Ош жолунда “тонировка” аттуу рейд жүрүп жатат


Иллюстрациялык сүрөт.

Жол кыймыл коопсуздугун камсыздоо башкармалыгы менен Транспорт жана жол министрлиги Бишкек-Ош жолунда автоунаасынын айнегин караңгылатып жүргөн айдоочуларга каршы жалпы рейд уюштурууда. Бул тууралуу Чүй облустук ички иштер башкармалыгы кабарлады.

Январдан тартып күчүнө кирген Тартип бузуу жөнүндө кодекске ылайык, машинелердин “тонировкаларын” тескөө Транспорт жана жол министрлигине жүктөлгөн.

Бирок өкмөт мыйзамга өзгөртүү киргизүү боюнча долбоорду парламентке жөнөттү. Ал мыйзам долбоорунда машинесинин айнектерин караңгылатып жүргөн айдоочуларга айыппул салуу кайра Жол кыймыл коопсуздугун камсыздоо башкармалыгынын инспекторлоруна жүктөлөт.

22-январдагы рейдде Транспорт жана жол министрлиги менен Ички иштер министрлиги (ИИМ) машиненин маңдайкы жана алдыңкы каптал айнектерин караңгылатып жүргөн 94 жаранга протокол толтурушту. Бул иш эки жарым сааттын ичинде аткарылган.

Транспорт жана жол министрлигинин басма сөз кызматынын жетекчиси Кылычбек Досумбетов “Азаттыкка” билдиргендей, айдоочуларга жалпысынан 282 миң сом айыппул салынды. Айыптын өлчөмү жеке жактар үчүн 3000, ал эми юридикалык тараптар үчүн 13 000 сом. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG