Москвада 26-январда жаай баштаган кар үч айлык нормадагы жаан-чачынга тете болду. "Интерфакс" кабарлагандай, ишембидеги бурганак соңку 68 жыл ичиндеги эң күчтүү кубулуш катары катталды.
Шамалдын багыты өзгөрүп, кээде секундасына 17 метрге жетип жатат. Ага карабай, сууктун күчү -5 градустун тегерегинде.
Адистер Москвада мындай аба ырайы дүйшөмбүнүн таңына чейин уланарын эскертишти. Баш калааны буга чейин 9 миң техника каражаты кардан тазаласа, жекшембиде 12 миңге көбөйтүлдү.