Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 14:10

Ош шаарындагы Навои көчөсүндө жаңы көпүрө курулат


Оштогу эстакадалык көпүрөнүн курулушу. Июль, 2015-жыл.

29-январда Ош шаарынын мэри Таалайбек Сарыбашов Жекелик каналындагы жаңы көпүрөнүн курулушуна капсула салды. Шаар башчы ириде курулуштун сапатына көңүл буруу зарыл экенин белгиледи. Жаңы көпүрөнүн узундугу 9 метр, туурасы 12 метр болот. Көпүрөнүн курулушу жергиликтүү бюджеттен каржыланууда, ага шаардык жолдор башкармалыгы көзөмөл кылат. Таалайбек Сарыбашов А. Асранкулов көчөсүнө курулуп жаткан тротуардын курулушун да текшерүүгө алып, таман таш (брусчатка) төшөө иштерине чейин мыйзамсыз курулуштарды алып салууну тапшырды.

Аталган тротуардын узундугу 157, туурасы 3 метр. Учурда жолго таман таш төшөлүп жатат.

Мэриянын басма сөз кызматы маалымдагандай, бул жердеги эски көпүрө жараксыз абалга келип, Өзгөчө кырдаалдар министрлиги тиешелүү корутунду чыгарган.

2015-жылы күзүндө Ош шаарынын Навои көчөсүндөгү эстакадалык көпүрө пайдаланууга берилген. Көпүрөнүн курулушу жана сапаты жөнүндө коомчулукта кыйла сын пикирлер айтылып жүрөт. Эстакадалык көпүрөнүн курулушуна 669 млн. сом сарпталган. (MdN)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG