Линктер

ЧУКУЛ КАБАР!
1-Март, 2021 дүйшөмбү, Бишкек убактысы 16:56

ИИМ: 2018-жылы милиция кызматкерлерине каршы 67 кылмыш иши козголгон


Иллюстрациялык сүрөт.

Бул кылмыш иштеринин негизинде 83 милиционерге айып коюлуп, жоопко тартылган. Жалпысынан былтыр кызматтык тартипти жана мыйзамды бузганы үчүн 5811 кызматкер жоопко тартылып, 155 кызматкер иштен алынган. 263 милиционер ээлеп турган кызматынан бошотулган. Мындай маалыматты ИИМдин басма сөз кызматы таратты.

Маалыматта ошондой эле ички иштер тармагындагы кызматын өз кызыкчылыгына колдонгусу келген, пара алган, кылмышты жашырган, орой мамиле кылган, форманы жамынып алып коррупциялык иштерге барган кызматкерлерден тазалоо иштери ар дайым жүрүп келгени айтылат. Мындан тышкары кызматкерлердин арасында окуу-тарбия иштери да жүргүзүлүп турары белгиленген.

"Милиционерлер мыйзам бузган же кызматтык тартипти сактабаган ар бир фактыга баа берилет, бир да мындай иш коомчулуктан жашырылбайт" деп айтылган маалыматта.

Жыл башынан бери милиция кызматкеринин катышы менен жасалган үч кылмыш иши катталган. 30-январда Чүйдө кыз зордуктоого шектүү катары Свердлов РИИБинин кызматкери кармалган. 21-январда Бишкекте мас абалдагы милиция кызматкери автоунаасы менен коюп кетип, 29 жаштагы аял каза тапкан. 29-январда Бишкек-Ош жолунда Жол кыймыл коопсуздугун көзөмөлдөө башкармалыгынын кызматкери 11 жаштагы баланы машинеси менен коюп, жан таслим кылган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG