Линктер

ЧУКУЛ КАБАР!
3-Декабрь, 2021 жума, Бишкек убактысы 18:49

Ошто «Окурман үй-бүлө» сынагы жыйынтыкталды


"Атам, апам жана мен - Окурман үй-бүлө" сынагы. Ош шаары. 1-феврал, 2019-жыл.

1-февралда "Атам, апам жана мен – окурман үй-бүлө» деп аталган шаардык сынак жыйынтыкталды.

Ага шаардагы 52 мектептин башталгыч класстарынын окуучуларынан жана алардын ата-энелеринен турган үч жүздөй командадан мурунку эки этапта жеңип чыккан беш команда катышты.

Ош шаардык билим берүү башкармалыгынын усулчу адиси Жамила Токтошеванын "Азаттыкка" билдиргени боюнча, беш командага тең номинациялар берилди:

- Биринчи орунга татыктуу үй-бүлөгө "Окурман үй-бүлө" номинациясын бердик. Экинчи орунга "Эң тапкыч үй-бүлө", үчүнчү орунга "Таланттуу үй-бүлө", төртүнчү орунга "Ынтымак үй-бүлө", ал эми бешинчи орундагы командага "Шамдагай үй-бүлө" деген наамды ыйгардык.

Адистин белгилөөсү боюнча, сынактын максаты - үй-бүлөдөгү чогуу китеп окуу маданиятын өркүндөтүү, ата-энелер менен мектептин кызматташтыгын арттыруу жана балдарды тарбиялоодо ата-энелердин ролун көрсөтүү.

«Атам, апам жана мен – окурман үй-бүлө» сынагы өткөн жылдын соңунда улуу жазуучу Чыңгыз Айтматовдун 90 жылдыгына арналып башталган. Иш-чара USAIDдин «Келгиле, окуйбуз!» долбоорунун алкагында Ош шаардык билим берүү башкармалыгынын демилгеси менен уюштурулган. (MdN)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG