Москва шаарындагы метродо кулап түшкөн кыргызстандык 16 жаштагы өспүрүм ооруканада каза болду. Бул тууралуу Орусиядагы “Кыргыз биримдиги” коомунун өкүлү Улан Кошматов “Фейсбуктагы” баракчасына жазды.
Анын айтымында, өспүрүм Жалал-Абад облусунун Сузак районунан экени такталды. Анын сөөгүн мекенине жөнөтүш үчүн жардам акциясы өтүп жатат.
Орусиялык басылмалар 1-февралда Москва шаарынын “Сходненская” станциясында өспүрүм бала метрого кулап кеткенин жазган. Ал кыргызстандык экени кабарланып жаткан. (ErN)
