Линктер

ЧУКУЛ КАБАР!
4-Март, 2021 бейшемби, Бишкек убактысы 13:14

2018-жылы бюджетке 6 млрд. сом чогултулбай калды


Иллюстрациялык сүрөт.

Республикалык бюджеттин 2018-жылдагы кирешеси 135,4 млрд. сомду түзүп, бюджеттик план 95,7% аткарылды. Бул тууралуу финансы министри Бактыгүл Жээнбаева Жогорку Кеӊештин Бюджет жана финансы боюнча комитетинде былтыркы бюджеттин аткарылышынын баштапкы жыйынтыктары жөнүндө айтып жатып билдирди.

Былтыр казынага 141,5 млрд. жыйналышы пландалган.

Парламенттин басма сөз кызматы кабарлагандай, жыйында депутат Зиядин Жамалдинов алдын-ала белгиленген план салык боюнча 2,3 млрд. сомго, бажы боюнча 1,8 млрд. сомго, трансферттер боюнча 1,9 млрд. сомго, мамлекеттик мүлк боюнча 200 млн. сомго кем аткарылганын эске салып, бюджеттик план эмне үчүн аткарылбай калганына кызыкты.

Вице-премьер-министр Замирбек Аскаров өз убагында план оптималдуу эле сунушталганын белгилеп, "аны аткаруу аракеттерине карабай ушундай жыйынтык болуп калганын" билдирди.

Былтыр 29-ноябрда Жогорку Кеңештин депутаттары 2017-2018-жылдардын бюджеттин аткарылышынын отчетун жана 2019-жылдын бюджети тууралуу баяндаманы чогуу талкуулашкан эле. (ErN)

Пикирлерди көрүңүз (25)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG