Линктер

ЧУКУЛ КАБАР!
28-Февраль, 2021 жекшемби, Бишкек убактысы 20:57

Чоң-Алайда кар көчкү баскан машинеден жүргүнчүлөр аман чыгарылды


Кар көчкү басып калган автоунаа жана жүргүнчүлөрдү куткаруу учуру.

Чоң-Алай районунун Сары-Таш - Дароот-Коргон - Карамык жолунун 98-чакырымында (Дароот-Коргон айылы) 6-февралга караган түнү кар көчкү басып калган “Деу Матиз” автоунаасындагы эки адам аман-эсен чыгарылды. Бул тууралуу Өзгөчө кырдаалдар министрлигинин басма сөз кызматы билдирди.

Айдоочу менен жүргүнчүнүн абалы жакшы. Министрликтин №88 өрт-куткаруу бөлүмүнөн жана №16 жол-тейлөө ишканасынын техникасы жана кызматкерлери куткаруу иштерин жүргүзүп, жолду ачышты.

Мындан сырткары түнкү 23:40 чамасында болгон катуу шамалдын кесепетинен Сары-Таш - Дароот-Коргон - Карамык жолунун 115-чакырымында кар күрткүсү пайда болуп, анын кесепетинен 70 жүргүнчү бараткан 16 автоунаа жолдо калган. Күрткү толугу менен тазаланып, жол ачылды. Жүргүнчүлөр бул жолдун 108-чакырымында (Жар-Башы тилкеси) жайгашкан эки мечиттин ичине убактылуу жайгаштырылган.

Ошондой эле Дароот-Коргон - Чак - Жаш-Тилек жолун жаап калган кар көчкү да тазаланды. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG