11-февраль күнү Базар-Коргондо 15 жаштагы өспүрүм өзүн өлтүрүүгө аракет кылган. Аны өз учурунда көрүп калып, аймактык ооруканага жеткиришкен. 13-февраль күнү ал оорукананын жандандыруу бөлүмүнөн палатага которулду.
Окуя болгон учурда баланын ата-энеси башка шаарда болгон, ал чоң энесинин карамагына калтырылган. Өспүрүм окуган мектеп жетекчисинин "Азаттыкка" билдиргени боюнча, учурда анын абалы жакшы. Балага мугалимдер жана башка окуучулар тарабынан зордум-зомбулук же кысым көрсөтүлгөн эмес. Мектеп директорунун айтымында, бала жетиштүү жашаган үй-бүлөдөн.
Расмий маалыматтар боюнча өткөн жылы 88 мектеп окуучусу өз өмүрүнө кол салган. (RsK/ZKo)
