Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 14:24

Жамшитов: ЖЭБдеги коррупцияга экс-президенттин тиешесине укуктук баа берилет (видео)


Экс-президент Алмазбек Атамбаев.

Бул кылмыш иши боюнча экс-президенттин орду тууралуу материалдар өзүнчө бөлүнүп алынган. Бул тууралуу башкы прокурор Өткүрбек Жамшитов бүгүн парламентте депутат Алмаз Токторовдун суроосуна жооп берип жатып билдирди:

- "Коррупция" беренеси боюнча Исаковго уюштуруучу деген айып тагылган. Анын экс-президент менен жазышкан каттары бар. Бул жерде мамлекеттин кызыкчылыгына олуттуу зыян келгендиктен, "Коррупция" беренеси боюнча тергелип жатат. Экс-президентке караштуу материалдар өзүнчө бөлүнүп алынды. Тергөө тобу ага өзүнчө укуктук баа берет.

Башкы прокуратура Сапар Исаковду "Бишкек ЖЭБин модернизациялоодогу коррупцияны уюштурган" деп айыптоодо. Бул боюнча сураган депутат Алмаз Токторов: "Коррупциянын башында ким турган? "Исаков жетекчиликке жагынуу максатында коррупцияга барган" деп айтып жатасыздар. Экс-президенттин тиешеси жокпу, ага укуктук баа берилбейби?" деген суроо койгон.

14-февралда башкы прокурор Өткүрбек Жамшитов тиешелүү кызматкерлери менен кошо Бишкек ЖЭБин модернизациялоодогу коррупция боюнча козголгон кылмыш иши тууралуу Жогорку Кеңешке маалымат берип жатат.

13-февралда Жогорку Кеңеш "Экс-президенттин ишмердигинин кепилдиктери жөнүндө" мыйзамга киргизиле турган өзгөртүүлөрдү талкуулап, андагы кол тийбестикти алып салуу боюнча бир нече сунуштарды эске алуу менен экинчи окууда жактырган. (ZKo)

Пикирлерди көрүңүз (39)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG