Баткен облустук ички иштер башкармалыгы билдиргендей, 22-февраль күнү Кызыл-Кыя шаардык милициясынын кызматкерлери Өзбекстандын Маргалаң шаарынын 38 жаштагы тургунун кармаган. Анын жанынан өзгөчө жыты бар, жашыл-күрөң түстөгү салмагы 21 граммды түзгөн зат күбөлөрдүн катышуусунда алынган.
Андан соң ал убактылуу жашаган Кадамжай районунун Үч-Коргон айылындагы үйдөн ширеңкенин кутусуна сактаган 21 граммдан ашыгыраак баңгизатка окшош, өзгөчө жыты бар зат табылып, Кызыл-Кыя ШИИБинде Кылмыштар менен жоруктардын бирдиктүү реестрине катталган.
Экспертизанын корутундусунда бул алынган зат нашаа экендиги аныкталып, кармалган жаран убактылуу кармоо жайына киргизилди.
(JsA)