Линктер

ЧУКУЛ КАБАР!
9-Март, 2021 шейшемби, Бишкек убактысы 00:44

ВИЧ-инфекциялуу экинчи адам бул оорудан айыгышы мүмкүн


Иллюстрациялык сүрөт.

Лондондун тургуну дүйнөлүк медицина тарыхында СПИДден айыккан экинчи адам болуп калышы ыктымал.

«Nature» журналы тараткан иликтөөлөр боюнча, үч жыл мурун бейтаптын денесине иммундук жетишсиздик вирусуна туруктуу иммунитети бар адамдын клеткасы жайгаштырылган. Акыркы текшерүүлөр ВИЧ-инфекциялуу кишинин организминде вирустун изи да калбаганын көрсөттү.

Анын организминен кийинки иликтөөлөрдө да инфекция табылбаса, СПИДди айыктыруучу дары тууралуу үмүттөр акталат.

ВИЧ-инфекциядан айыктыруу боюнча алгачкы ийгилик 12 жыл мурун жүлүндү трансплантациялоонун натыйжасында ишке ашкан. Бирок ошондон бери бул экспериментти кайра кайталоого мүмкүн болгон эмес, анткени бул бейтап үчүн өтө оор болгон.

Утрехт университетинин окумуштуусу Аннамари Венсинг «New York Times» гезитине СПИДди масштабдуу айыктырыш үчүн трансплантация колдонуу мүмкүн эмес экенин айтып, бирок ошентсе да бул ийгилик изилдөөчүлөрдү үмүттөндүрөрүн белгилеген.

Эки учурда тең жүлүндү трансплантациялоо ракка каршы терапия катары жүргүзүлгөн. «New York Times» гезитине жазган электрондук катында «Лондондук бейтап» өзүнүн ВИЧ илдеттен айыгарына ишенбегенин билдирген.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG