Линктер

ЧУКУЛ КАБАР!
24-Июль, 2021 ишемби, Бишкек убактысы 07:39

Отунбаева: жалаң эркектерди дайындаган өкмөт башчыга нааразыбыз (видео)


Роза Отунбаева.

Кыргызстанда жетектөөчү кызматтарга аялдар дайындалбай жатат. Мындай сын 6-мартта Бишкектеги «Ала-Арча» мамлекеттик резиденцияда өткөн форумда айтылды. Экс-президент Роза Отунбаева көп учурда Кыргызстандын жүзүп көрсөтүп, желегин аялдар көтөрүп жатканын белгиледи:

- Аймактык диалогдо кара түндөй болуп отурган эркектерди көрүп чочуп да кеттик. Эркек парламент келген учурда да мындай эмес эле. Форумга премьер-министр келсе анын көзүнө да айтат элем. Буйруктун, дайындоонун баары премьердин колунда. Ушундай позицияларга жалаң эркектерди дайындайт. Биз, аялдар абдан нааразыбыз.

Аялдар маселесине арналган форумга чакырылган премьер-министр Мухаммедкалый Абылгазиев, эркек депутаттар келген жок. Эл өкүлү Аида Касымалиева бул аялдардын маселесине эркектердин көңүл кош мамилесинин далили катары баалады.

Форумда айылдык кенештерде 30% мандатты аялдар үчүн камсыз кылуу боюнча мыйзам долбоору талкууланды. Ага экс-президент Роза Отунбаева, вице-премьер-министр Алтынай Өмүрбекова, ЖК жана айылдык кеңештин аял депутаттарынын, эл аралык уюмдардын өкүлдөрү катышты.

Ушул тапта жергиликтүү кеңештеги депутаттардын 11% аял, парламентте 15%, өкмөттө 12,5% түзөт. (КЕ/AiA)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG