Линктер

ЧУКУЛ КАБАР!
2-Декабрь, 2021 бейшемби, Бишкек убактысы 15:08

Бишкек мэриясы «Аялдардын тилектештик шаарчасы» маршын өткөрүүгө уруксат берди


Бишкектеги жүрүш. 8-март, 2018-жыл.

Акциянын уюштуруучулары, «Бишкек феминисттик демилгелери» бирикмеси «Фейсбуктагы» баракчасына жазганына караганда, Бишкек мэриясы 6-мартта мурунку чечимин жокко чыгарып, марш өткөрүүгө уруксат берилгени тууралуу маалымдаган. Шаар мэриясы өз катында 8-март күнү Уркуя Салиеванын эстелигинен борбордук аянтка жүрүүчү марштын уюштуруучуларынан жана катышуучуларынан мыйзамды жана талаптарды сактап, иш-чараны тынч өткөрүүнү өтүнгөн.

Маалыматта айтылгандай, 8-мартта борбордук жана эски аянтта өткөрүлө турган майрамдык иш-чаралар башка жакка жылдырылган.

«Аялдардын тилектештик шаарчасы» маршынын уюштуруучулары 6-мартта түшкө чейин мэрия 8-марттагы жүрүшкө уруксат бербей койгонун маалымдаган. Тыюу салууга шаардын борбордук бөлүгүндө «Эл аралык аялдар күнүнүн урматына иш-чаралар» пландалганы себеп болгону көрсөтүлгөн эле. Мэриянын бул тыюусу жарандык коом өкүлдөрүнүн нааразылыгын жараткан.

«Бишкек феминисттик демилгелери» бирикмеси 8-март күнү Бишкекте «Аялдардын тилектештик шаарчасы» маршын уюштурарын кабарлаган. Акциянын катышуучулары «Россия» кинотеатрынын жанында чогулуп, андан борбордук аянт аркылуу Уркуя Салиеванын эстелигине чейин жөө жүрүш жасашмакчы. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG