Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 14:43

Адам уурдоого жана өлтүрүүгө шек саналган адам кармалды


Ош ИИБ берген сүрөт.

Ички иштер министрлигинин каттоосунда турган уюшкан кылмыштуу топтун мүчөсү деп шектелген жаран кармалды. Ал Өзгөн районунун 37 жаштагы жашоочусу экенин, изин жашырып жүргөн кезде 7-мартта Бишкек шаарында колго түшкөнүн Ош облустук Ички иштер башкармалыгынын басма сөз кызматы билдирди.

Маалыматка караганда, ал 26-январь күнү Өзгөн районунун Жылалды айылынын 33 жаштагы тургунун уруп, 90 миң сом акчасын тартып алып койгон. Бул факт 6-февралда Өзгөн райондук милициясынын кылмыштардын жана жоруктардын бирдиктүү реестрине катталып, Жоруктар кодексинин 167-беренесинин (тоноо) негизинде сотко чейинки өндүрүшкө алынган.

Бул ишке тиешеси бар деген шек менен кармалган адам 2017-жылы 30-декабрда Москва шаарындагы “Алмаз” кафесинен кыргызстандык эки жаранды уурдап кетип, мыкаачылык менен өлтүрүүгө катышы бар деген шек менен издөөдө жүргөн. Москвадагы бул факт боюнча былтыр 3-январда Орусиянын Башкы тергөө органы ага издөө жарыяланган. Шектүү жаран Өзгөн райондук милициясынын убактылуу кармоочу жайына киргизилди. (MdN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG