Линктер

ЧУКУЛ КАБАР!
27-Октябрь, 2021 шаршемби, Бишкек убактысы 07:48

Казакстанда «Азаттыктын» кабарчысы айыпка жыгылды


Сания Тойкен.

«Азаттыктын» казак кызматынын журналисти Сания Тойкен «полицияга баш ийген эмес» деген жүйө менен 20 айлык эсептик көрсөткүчтө (50 500 теңге) айыпка жыгылды. Тиешелүү чечимди 12-мартта Жаңы-Өзөндүн административдик соту чыгарды.

Полициянын Тойкен боюнча протоколунда ал «укук коргоо кызматкерине баш ийбей койгону» айтылат. Журналист жана анын адвокаты Танатар Исекешев соттун чечимине макул болушкан жок.

Сания Тойкен 12-мартка караган түнү Жаңы-Өзөндөгү кафелердин биринин алдынан кармалып, полиция бөлүмүнө жеткирилген. Журналист өзүн кафеге келген белгисиз кишилердин чатагынын күбөсү катары кармап кетишкенин билдирди. Окуяны көрбөгөнүн айтканына карабай полицияга алып барышканын кошумчалады. Сот Тойкен боюнча ишти 12-мартта түштөн кийин карады. Бул анын акыркы айда үчүнчү ирет кармалышы.

Сания Тойкен Жаңы-Өзөнгө туруктуу жумуш орундарын түзүүнү талап кылган нааразылык акциясын чагылдырууга барган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG