Жеңил атлет Гүлзада Калыкул кызы ушу тапта Бириккен Араб Эмираттарынын Абу-Даби шаарында өтүп жаткан атайын Олимп оюндарында алтын медаль тагынды.
Жаштар иштери, дене тарбия жана спорт боюнча мамлекеттик агенттиктин маалыматына караганда Гүлзада Калыкул кызы жеңил атлетика боюнча 100 метр аралыкка чуркап, F01 дивизионунда 20.1 секундада марага биринчи келген.
Аталган жарышта 2-орунду кытыйлык спортчу Йийи Као (00:21.04), 3-орунду ливандык Мариам Али (00:21.38) алды. Мелдеш 21-мартка чейин уланат. Ага Кыргызстандан спорттун эки түрүнөн төрт спортчу катышууда. (GT)
