Дарига Назарбаева Сенаттын төрайымы болуп шайланды

20-Март, 2019

Дарига Назарбаева атасы Нурсултан Назарбаев менен, 1-май, 2016-жыл.

Казакстандын мурдагы президенти Нурсултан Назарбаевдин тун кызы Дарига Назарбаева казак парламентинин жогорку палатасы – Сенаттын төрайымы болуп шайланды.

Бүгүн президент катары ант берген Касым-Жомарт Токаев Сенатты жетектөөгө Назарбаеванын талапкерлигин сунуш кылды.

55 жаштагы Дарига Назарбаева буга чейин Сенаттын эл аралык мамилелер, коргонуу жана коопсуздук комитетин башкарган. Ага чейин вице-премьер-министрдин кызматын аркалаган.

65 жаштагы Касым-Жомарт Токаев 20-мартта ант берип, президенттик кызматка киришти. Коңшу өлкөнү 30 жыл башкарган Нурсултан Назарбаев 19-мартта бийликтен кетерин жарыялап, «президенттин бул мөөнөтү бүткөнчө» мамлекет башчынын ыйгарым укуктарын Касым-Жомарт Токаевге берген.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө