Бишкекте Нооруз майрамы Ала-Тоо аянтында белгиленет. Борбордук Ала-Тоо аянтында шаардагы чыгармачыл топтордун катышуусунда Нооруз майрамына арналган театралдаштырылган оюн-зоок программасы болот. Жогорку Кеңештин төрагасы Дастан Жумабеков жана калаа башчысы Азиз Суракматов шаардыктарды майрамы менен куттуктайт.
Аянтта кол өнөрчүлөрдүн улуттук баш кийими - элечектин сүрөт көргөзмөсү уюштурулган. Андан тышкары чыгыш элдерине тиешелүү кол өнөрчүлүк буюмдардын көргөзмөсү болот.
Борбор калаанын бардык райондорунда сүмөлөк кайнатылып, улуттук оюндар, концерттик программалар уюштурулат.
"Ак-кула" ат майданында көкбөрү жана улуттук ат оюндары өтөт.
Нооруз майрамы бүгүн бардык шаарларда, облустардын, райондордун борборлорунда да концерттик программалар, улуттук оюндар жана тамак-аш, кол өнөрчүлүк буюмдардын көргөзмөсүнүн коштоосунда өтөт. (ZKo)
