Линктер

ЧУКУЛ КАБАР!
24-Октябрь, 2021 жекшемби, Бишкек убактысы 05:30

Кытай: заводдогу жарылуудан 47 киши мерт болду


Кытайдын кырсык болгон аймагы. 21-март, 2019-жыл.

Кытайдын чыгышындагы химиялык заводдо болгон жарылуудан каза тапкандардын саны 47 кишиге жетти. 21-мартта болгон кырсыктан 600дөн ашык адам жаракат алган. Жарылуу абдан катуу болгондуктан күчү 2,2 баллга жеткен жер титирөө сымал силкинүү да байкалган.

Кырсык Яньчэн шаарындагы өндүрүш паркында жайгашкан пестицид чыгарган заводдо болгон. Ишканада органикалык заттарды чыгарууда колдонулган тез жанып кетүүчү химиялык заттар сакталгандыктан өрттү өчүрүү дээрлик бир күнгө созулду.

Аймактан төрт миң киши көчүрүлдү, жергиликтүү мектептер жана бала бакчалар жабылды.

Жарылуу эмнеден улам болгону азырынча белгисиз. Бирок кытай ЖМКлары коопсуздук эрежелери сактабалгандыктан ишканага бир канча жолу айыппул салынганын жазып жатышат.

Кытайдын төрагасы Си Цзиньпин кырсыктын себебин тез арада аныктоону тапшырды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG