Оштун Өзгөн районунда жогорку класстын окуучуларынын чатагында травматикалык тапанчадан ок атылып, бир бала жабыркаган. Бул тууралуу Ош облустук ички иштер башкармалыгынын басма сөз кызматкери Жеңиш Ашырбаев билдирди.
Милициянын маалыматында 17-март күнү Өзгөн районундагы Жазы айыл аймагынын Кара-Дыйкан айылында окуучулар арасында кайым айтышуу чырга айланып, У. Нны Д.О. аттуу бала газ-травматикалык тапанча менен аткан. Ок У.Ндин ээгине жана мойнуна тийген.
Учурда бул факт кылмыш жана жоруктардын бирдиктүү реестрине катталып, Жазык кодексинин 266-беренесине (бейбаштык) ылайык сотко чейинки териштирүү башталды. (MdN\TSh)
