Кыргызстандын футбол боюнча олимпиадалык курама командасы (U-23) Азия чемпионатынын тандоо турунун экинчи беттешинде Иорданиянын курама командасына жеңилди. Бул тууралуу Кыргызстандын Футбол федерациясы кабарлады.
24-мартта Кувейтте «Е» тайпасынын экинчи оюндары өтүп, анда Кыргызстан Иорданияга 0:3 эсебинде утулду.
Буга чейин 22-мартта Сириянын командасы Кыргызстандын футболчуларын 2:0 эсебинде жеңип алган. Эки оюндун жыйынтыгы менен Кыргызстандын курама командасы Азия чемпионатынын финалдык баскычына чыгуу мүмкүнчүлүгүнөн ажырады.
26-март күнү тайпалык тандоо оюндарынын акыркы беттешинде Кыргызстан менен Кувейттин футболчулары беттешет. Кувейттиктер да буга чейин болгон эки оюнда тең жеңилип калган.
Азия чемпионатынын финалдык бөлүгү 2020-жылы январь айында Таиландда өтөт. (GT)
