Линктер

ЧУКУЛ КАБАР!
18-Апрель, 2021 жекшемби, Бишкек убактысы 19:53

Сеул: Пхеньян өзөктүк ишмердигин улантууда


Түндүк Корея мурда демонтаждалган ракета полигонун калыбына келтирүүдө жана уранды байытуу ишин улантууда. Бул тууралуу түштүк кореялык парламентарийлер атайын кызматтардын маалыматына таянып ырасташканын «Reuters» агенттиги жазды. Депутаттардын айтымында, Пхеньян Сохэ полигонундагы иштерди аяктап калды. Ал жай былтыр жайында өзөктүк куралдан баш тартуу программасынын алкагында буздурула баштаган.

Сеулдагы саясатчылар кошуна өлкө Кошмо Штаттар менен сүйлөшүүлөрдүн туңгуюкка такалганына нааразылык иретинде ракеталык провокацияларга даярданып жатат болушу мүмкүн дешет. Депутаттар Пхеньяндын өзөктүк программасы жарым-жартылай активдүү калууда деп эсептешет.

Өткөн айда Түндүк Корея менен АКШ лидерлеринин экинчи саммити өтүп, бирок жыйынтыксыз аяктаган. Пхеньян өзөктүк программасына кошумча чектөөлөрдү киргизүүгө даяр эмес болуп чыкса, Вашингтон экономикалык жана саясий санкцияларды жумшартуудан баш тарткан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG