Линктер

ЧУКУЛ КАБАР!
15-Апрель, 2021 бейшемби, Бишкек убактысы 07:51

Жогорку соттун төрайымы: сот реформасы жүрүп жатат


Жогорку соттун төрайымы Гүлбара Калиева ММКлардын жетекчилери менен жолугуп жатат.

Жогорку соттун төрайымы Гүлбара Калиева жалпыга маалымдоо каражаттарынын жетекчилери менен жолугушуп жатып, сот корпусу 70 пайызга жаңырганын жана реформа жүрүп жатканын айтты.

- «Реформа жүрбөй жатат» деген туура эмес. Жаңы имараттар салынып, эскилер ремонттолуп жатат. Аудио жана видео фиксация киргизилип жатат, - деди Гүлбара Калиева.

Ал журналисттердин: «Сиздер өйдө жакты карап иш кыласыңарбы?» - деген суроосуна: «Ооба, өйдө жакты, Кудайды карайбыз», - деп жооп берди.

Акыркы учурда сот тармагы өлкө жетекчилиги тарабынан катуу сынга алынып келген. 2019-жылдын 11-мартында Бишкекте өткөн соттордун XI курултайында президент Сооронбай Жээнбеков сот тармагына бөлүнгөн каражаттарды көбөйтүү өзүн актабай жатканын айткан.

Расмий маалыматка караганда, сот системасына 2016-жылы 1 миллиард 213 миллион сом, 2017-жылы 1 миллиард 260 миллион сом, 2018-жылы 1 миллиард 555 миллион сом жана 2019-жылы 2 миллиард 154 миллион сом бөлүнгөн. Буга сот тармагына чет жактан келген гранттар менен ар кандай долбоорлордун акчасы кошулган жок. (AzK/KR)

Пикирлерди көрүңүз (52)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG