Линктер

ЧУКУЛ КАБАР!
1-Декабрь, 2021 шаршемби, Бишкек убактысы 19:02

Вашингтон Иранга кошумча санкцияларды киргизүүнү көздөп жатат


Ирандын президенти Хасан Роухани (сол жакта) сел жүргөн аймактарды тик учактан карап жүрөт.

АКШ өзөктүк келишимден баш тарткандан бир жыл өткөн соң Иранга жаңы санкцияларды киргизүүнү пландап жатары белгилүү болду. Бул тууралуу атын атагысы келбеген Ак үйдүн кызматкери 1-апрелде билдирди.

Былтыр май айында президент Дональд Трамп АКШ 2015-жылы кол коюлган, Тегерандын өзөктүк программасын ооздуктай турган келишимден чыкканын жарыялаган. Анда ал Иранга каршы санкицяларды киргизерин да билдирген. Санкциялар Ирандын энергетика, кеме куруу жана финансы тармактарына каршы багытталган.

Ушул эле жылдын 22-мартында АКШ Ирандын өзөктүк жана ракеталык программасын иштеп чыгууга байланышы бар 14 адамга жана 17 ишканага санкция киргизген.

Жакында эле Ирандын түштүк аймагында болуп өткөн жаандан улам сел жүрүп, 45 кишинин өмүрү кыйылган. Ирандын тышкы иштер министри Мохаммад Жавад Зариф жаңы санкциялар жабыркаган аймакка жардам берүү максатында Кызыл жарым ай коому жөнөткөн тик учактардын келишине жолтоо болорун айтып, муну экономикалык терроризм катары баалады. (KR)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG