Линктер

ЧУКУЛ КАБАР!
23-Апрель, 2021 жума, Бишкек убактысы 13:37

КСДП: Сагынбек Абдрахмановдун съезди - фейк


«КСДПнын кезектеги 18-съезди» иш-чарасы.

Кыргызстан социал-демократиялык партиясынын (КСДП) расмий өкүлү Кундуз Жолдубаева 3-апрелде Бишкекте «Атамбаевсиз КСДП» кыймылы өткөргөн иш-чараны фейк-съезд деп атады:

- Аябай одоно мыйзам бузуу менен болгон иш-чара. Аны биз фейк-съезд деп атайбыз. Азыр КСДП партиясын рейдерлик жол менен басып алуу аракеттери жүрүп жатат.

«Атамбаевсиз КСДП» кыймылы Бишкекте жыйын өткөрүп, лидери Сагынбек Абдрахмановду партиянын жетекчиси болсун деп чечим чыгарды. Абдрахмановдун талапкерлигин иш-чарага катышкандар бир добуштан колдошту.

Жыйынга саясатчылардан Данияр Тербишалиев, Ыргал Кадыралиева, Исмаил Исаков, Абдрахман Маматалиев, жер-жерлердеги кеңештердин депутаттары, жалпысынан 300дөй адам катышты.

Кыймыл өзү бүгүнкү жыйынды «КСДПнын кезектеги 18-съезди» деп атап жатат.

Партиянын экинчи бөлүгү лидер деп Кыргызстандын мурдагы президенти Алмазбек Атамбаевди тааныйт. Алар 6-апрелде өз курултайын өткөргөнү жатышат.

Абдрахманов бүгүнкү жыйынга Атамбаев да чакырылганын, бирок ал келбегенин айтты. (TSh)

Абдрахманов КСДПнын лидерлигин талашууда
please wait

No media source currently available

0:00 0:04:34 0:00

Пикирлерди көрүңүз (39)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG