Линктер

ЧУКУЛ КАБАР!
17-Апрель, 2021 ишемби, Бишкек убактысы 13:44

ЖК экс-президенттердин кол тийбестигин алуу боюнча мыйзам долбоорун карайт


Сооронбай Жээнбековдун инаугурациясы. Архивдик сүрөт.

4-апрелде Жогорку Кеңеш «КР президентинин ишмердигинин кепилдиктери жөнүндө» мыйзамга өзгөртүүлөрдү киргизүү тууралуу» мыйзам долбоорун карайт. Аталган мыйзам долбоорунун демилгечилери - депутаттар Курманкул Зулушев жана Исхак Масалиев.

Мыйзам долбоору буга чейин парламенттин комитеттеринде талкууланган. Авторлор мыйзам кабыл алынып калса, ал бардык экс-президенттерге карата бирдей колдонула тургандыгын айтышууда. Ошондой эле экс-президенттер өз ыйгарым укуктарын аткарган мезгилде кылмыш кылып, соттун өкүмү күчүнө кире турган болсо, анда аларга каралган бардык мамлекеттик артыкчылыктар жокко чыгарылат.

Аталган мыйзам долбоорун 13-февралда Жогорку Кеңеш экинчи окууда жактырган. Кийин Конституциялык палата менен Жогорку Кеңештин ортосунда документтеги беренелер боюнча талаш-тартыш чыккан.

Айрым юристтер бул мыйзам долбоору адамдын жана жарандын конституциялык укуктарын чектөө менен Конституцияга карама-каршы келерин айтып чыгышкан. Алардын пикиринде, Баш мыйзамга ылайык саясий партиянын ишмердигине катышууну токтотуу иштеп жаткан президентке гана тийиштүү, экс-президентке бул чектөө тийиштүү эмес. Алар бул өзгөртүүлөр экс-президенттин саясий ишмердигин токтотууга багытталган деп эсептешет.

Эгемен Кыргызстандын 28 жылдык тарыхында өлкөнү башкарган беш президенттин экөөндө гана - Роза Отунбаева менен Алмазбек Атамбаевде экс-президент макамы бар. Аскар Акаев менен Курманбек Бакиев 2005 жана 2010-жылдардагы элдик козголоңдордон кийин өлкөдөн чыгып кетишкен. (ZKo)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG