Линктер

ЧУКУЛ КАБАР!
11-Апрель, 2021 жекшемби, Бишкек убактысы 11:08

Кыргызстанда 622 айылда таза суу көйгөйү бар


Архивдик сүрөт.

Ичүүчү суу менен камсыздоо жана саркынды суу тармактарын өнүктүрүү департаментинин директору Аскарбек Токтошевдин маалыматына караганда, Кыргызстанда калктын 91,1 пайызы таза суу менен камсыз болгон.

Өлкөдө жалпы 1819 айыл бар болсо, анын 262синде 1950-1960-жылдары курулган суу түтүктөрү колдунулат. Ал эми 360 айылда таза суу маселеси толук чечилген эмес. Жыйынтыгында 622 айылда таза суу маселеси бар. Бул айылдарда баш-аягы 1 миллиондон ашык адам жашайт.

Облустарга бөлүп караганда Ош, Жалал-Абад жана Баткен облустарында абал начар. Ошто 485 айылдын 187синде, Жалал-Абадда 408 айылдын 172синде, Баткенде 191 айылдын 85инде таза суу жагынан кыйынчылык бар.

Январь айында президент Сооронбай Жээнбеков 2019-жылы бюджеттен калкты ичүүчү таза суу менен камсыз кылууга 350 млн. сом каралганын жана 2024-жылга чейин Кыргызстандын калкы таза ичүүчү суу менен толук камсыз болорун айткан. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG