Линктер

ЧУКУЛ КАБАР!
17-Октябрь, 2021 жекшемби, Бишкек убактысы 10:31

Зеленский менен Порошенко алкоголду аныктаган анализ тапшырышты


Петр Порошенко жана Владимир Зеленский кан тапшырып жаткан учур.

Украина президенттигине талапкерлер Владимир Зеленский менен Петр Порошенко 5-апрелде кан тапшырышты.

Зеленскийдин канынын анализдери үч күндөн кийин даяр болот. Ал эми учурдагы мамлекет башчысы Петр Порошенконуку дароо чыкты. Тест анын организминде психоактивдүү заттар жок экенин көрсөттү.

3-апрелде Зеленский Порошенкону дебатка чакырып, өз шарттарын атаган. Алардын арасында ​«талапкерлер сөзсүз медициналык текшерүүдөн өтүп, алардын арасында аракечтер, баңгилер жок экенин далилдеши зарыл. Өлкөгө ден соолугу чың президент керек» дегени да бар эле.

Порошенко атаандашынын сунуштарына макул болгон.

Украинада 31-мартта өткөн президенттик шайлоонун биринчи айлампасында Владимир Зеленский 30,2% добуш алып, алдыга чыккан. 16% добушу менен Порошенко экинчи орунду алган. Шайлоонун экинчи айлампасы 21-апрелде өтөт.

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG