Линктер

ЧУКУЛ КАБАР!
23-Апрель, 2021 жума, Бишкек убактысы 04:19

Москва менен Дүйшөмбү миграция боюнча документтерге кол коюшат


Владимир Путин жана Эмомали Рахмон. Дүйшөмбү шаары, 28-сентябрь, 2018-жыл.

Орусия менен Тажикстан жакынкы күндөрдө миграция тармагында жаңы келишим түзүшөт. Бул тууралуу Орусиянын Тажикстандагы элчиси Игорь Лякин-Фролов «Азаттыктын» тажик кызматына билдирди.

Документтерге Тажикстандын президенти Эмомали Рахмондун 17-апрелдеги расмий сапарынын алкагында кол коюлганы турат. Өз сапарында Тажикстандын президенти Орусияны президенти менен жолугушат.

Лякин-Фроловдун айтымында, орусиялык мекеме-ишканаларга эмгек мигранттарын кабыл алуу, Орусиянын Тажикстандагы миграция өкүлчүлүгү менен Тажикстандын Орусиядагы миграциялык өкүлчүлүгүнүн юридикалык макамдары жөнүндөгү документтерге кол коюлат.

Буга чейин Орусиянын тышкы иштер министри Сергей Лавров бул документтердин топтому миграцияны толугу менен көмүскөдөн алып чыгууга, эмгек мигранттарына шарт түзүүгө багытталганын билдирген.

Маалыматтарга караганда, жумушчуларды сураган орус иш берүүчүлөрү мигранттардын документтерин бүткөрүүнү өз мойнуна алышат. Тажик бийлиги өз жарандарына Орусиядан иш таап берүүгө көмөктөшүп, келишим бүткөн соң же мыйзамдар бузулса мигранттарды мекенине кайтарууга кол кабыш кылат.

Орусияда бир миллиондой тажикстандык иштейт. Ар кыл маалыматтар боюнча алар жөнөткөн акча Тажикстандын ички дүң өнүмүнүн үчтөн бир бөлүгүн түзөт.

Пикирлерди көрүңүз (19)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG