Линктер

ЧУКУЛ КАБАР!
20-Октябрь, 2021 шаршемби, Бишкек убактысы 09:44

Сапар Исаков «актыгымды далилдейм» деп билдирүү таратты


Сапар Исаков.

Мурдагы өкмөт башчы, камактагы Сапар Исаков билдирүү таратып, ак жерден темир тор артына түшкөнүн, күнөөсүз экенин кандай болбосун далилдей турганын айтты. Анын билдирүүсүн Кыргызстан социал-демократиялык партиясы (КСДП) 9-апрелде таратты.

Сапар Исаков ага каршы козголгон кылмыш иши саясий мүнөздө экенин белгилеп, азыркы бийлик ага жана аны менен кошо камалып, шек саналып жаткан Жантөрө Сатыбалдиевге, Осмонбек Артыкбаевге, Салайдин Авазовго, Айбек Калиевге, Ольга Лавровага жана башкаларга негизсиз күнөө коюп жатканын белгиледи.

«Ошол учурда биз расмий каналдардан тынымсыз куюлуп жаткан ачыктан-ачык популисттик демагогияга каршы тура албаганыбызды моюнга алыш керек. Адамдар да бул калпка ишенип калышты», - дейт Исаков.

КСДПнын саясий кеңешинин мүчөсү Сапар Исаков Бишкек Жылуулук электр борборун (ЖЭБ) жаңылоодогу коррупция үчүн айыпталып камалган. ЖЭБди модернизациялоодогу коррупция боюнча сегиз адамга айып коюлган. Алардын арасында мурдагы премьер-министр Жантөрө Сатыбалдиев, мурунку энергетика министри Осмонбек Артыкбаев баш болгон мурдагы жетекчилер бар.

КСДП Бишкек ЖЭБине байланыштуу козголгон кылмыш ишин жана ал үчүн айрым жетекчилердин камакка алынышын саясий негизде деп эсептейт.

Пикирлерди көрүңүз (74)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG