Ысык-Көл облусунун Ысык-Көл районунда өкмөттүн өкүлү Акылбек Осмоналиев Казакстандын Кыргызстандагы ыйгарым укуктуу элчиси Карим Кокрекбаев менен жолукту.
Жолугушууга райондун акими Данир Иманалиев, мекеме-ишканалардын жетекчилери, айыл аймактардын башчылары, эс алуучу жайлардын директорлору, ишкер чөйрөсүнүн өкүлдөрү катышты.
Жолугушуунун алкагында эки өлкөнүн ортосунда, анын ичинде Ысык-Көл облусу менен казак тараптын экспорт жана импорт маселелери каралып, өз ара пикир алмашуу жүрүп, түрдүү маселелер талкууланды. (AsM)
