Ооганстандын чыгышындагы Хост провинциясында куралчан адам үйлөнүү үлпөтүнө чогулгандарга ок атып, андан кеминде үч кишинин өмүрү кыйылды. Азырынча мерт болгондордун тек-жайы ачык айтыла элек.
Провинциянын губернаторунун басма сөз катчысы Тали Мангалдын айтымында, окуя 14-апрелдин кечинде Тани районунда болгон. Куралчан киши той маалында ок аткан соң качып кеткен. Бул кол салуудан 12 киши жарадар болду.
Азырынча бул окуяга бир да согушкерлер тобу жоопкерчилик ала элек. Тани районунда «Талибан» кыймылынын жоочулары көп болсо да үйлөнүү үлпөтүнө кол салган учурлар сейрек кездешет.
Мангал провинциянын тартип коргоо органдары бул окуянын чоо-жайын иликтеп жатканын билдиришти.
