Президент Сооронбай Жээнбековдун Германиядагы расмий сапарынын жыйынтыгында эки өлкөнүн ишкерлеринин ортосунда жалпысынан миллиарддан ашуун евролук келишимдерге кол коюлду.
Бул тууралуу мамлекет башчысы Сооронбай Жээнбеков бүгүн 16-апрелде Берлинде журналисттердин алдында сүйлөп жатып билдирди:
- Ишкерлердин ортосунда бир катар келишимдерге жана меморандумдарга кол коюлду. Алардын жалпы жыйынтыгы 1 миллиарддан ашык еврону түзөт.
Жээнбековдун Германиядагы расмий сапары эки күн уланды. Бүгүн ал федералдык президент Франк-Вальтер Штайнмайер, андан кийин федералдык канцлер Ангела Меркел менен жолукту. (RK)
