Линктер

ЧУКУЛ КАБАР!
23-Октябрь, 2021 ишемби, Бишкек убактысы 02:17

Жарандык активисттер президентке кайрылышты


Иллюстрациялык сүрөт.

Жарандык активисттер Мамлекеттик каттоо кызматынын жетекчилеринин камалганына байланыштуу президентке кайрылышты.

Бир катар укук коргоочулар баштаган жарандык активисттер мамлекет башчы Сооронбай Жээнбековдон бул ишке байланыштуу Коопсуздук кеңешинин кезексиз жыйынын чакырууну сунуш кылышты. Кайрылууда Кыргызстанда өлкөнү санариптештирүү ийгиликтүү ишке ашып, электрондук шайлоо, сатып алуу, ачык бюджет, коопсуз шаар жана жарандарды биометрикалык каттоо мезгилдин талабына ылайык иштеп жатканы айтылат. Жарандык активисттер өз кайрылуусунда «буга мамлекеттик жогорку кызматтарда технология боюнча мыкты адистер иштеп жатканы өбөлгө болуп жатат, санариптештирүү мамлекеттик органдардын ачык-айкын иштешине шарт түзөт жана коррупциянын алдын алууга жол ачат» деп белгилешкен.

«Биз Мамкаттоо менен «Инфоком» ишканаларынын жетекчилеринин камакка алынышына өтө таң калдык. Санариптештирүү жараянын түшүнгөн бардык жарандар Мамкаттоо менен «Инфокомдун» жетекчилеринин адистигин баалашат, алар өлкөнүн кызыкчылыгы үчүн иштейт деп ишенишет. Аларга карата адилетсиз куугунтук жарандардын үмүтүн өчүрөт» деп жазылган кайрылууда.

Мамлекеттик каттоо кызматынын төрагасынын орун басары Руслан Сарыбаев, статс-катчы Данияр Бакчиев жана «Инфоком» мамлекеттик ишканасынын башчысы Талант Абдуллаев биометрикалык паспорт бланкын даярдоо боюнча өткөрүлгөн тендерде мыйзамсыз иштерге барышкан деген шек менен кармалганы 16-апрелде маалым болгон.

УКМК Мамкаттоонун кызматкерлери белгилүү бир компаниянын кызыкчылыгына аракет кылышкан деп эсептейт. (ZKo)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG