Линктер

ЧУКУЛ КАБАР!
8-Декабрь, 2021 шаршемби, Бишкек убактысы 08:55

Мамкаттоонун үч жетекчиси эки айга камалды


Үч жетекчинин сот залынын сыртында күткөн жакындары. 17-апрель, 2019-жыл.

Тендер чырына байланыштуу кармалган Мамлекеттик каттоо кызматынын төрагасынын орун басары Руслан Сарыбаев, статс-катчы Данияр Бакчиев жана «Инфоком» мамлекеттик ишканасынын башчысы Талант Абдуллаев эки айга тергөө абагына камалды. Бишкектин Биринчи май райондук соту 17-апрелдин кечинде ушундай чечим чыгарды.

Аталган үч жетекчи биометрикалык паспорт бланкын даярдоо боюнча өткөрүлгөн тендерде мыйзамсыз иштерге барышкан деген шек менен кармалганы 16-апрелде маалым болгон.

Алардын бөгөт чарасы жабык каралды. «Азаттыктын» кабарчысы маалымдагандай, кармалгандардын 20-30 тарапкери сот залынын кире беришинде күтүп турушту.

2019-жылдын 11-январында тендердик комиссия литвалык «Гарсу Пасаулис» компаниясын жеңүүчү деп тапкан. Бирок бул сынак боюнча кылмыш иши козголуп, УКМК «Мамкаттоонун кызматкерлери белгилүү бир компаниянын кызыкчылыгына аракет кылышкан» деп билдирген.

17-апрелде бир катар жарандык активисттер Мамлекеттик каттоо кызматынын жетекчилеринин кармалганына тынчсыздануусун билдиришип, президентке кайрылуу жолдошту.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG