Линктер

ЧУКУЛ КАБАР!
16-Апрель, 2021 жума, Бишкек убактысы 05:25

Жайыл райондук ИИБнин жетекчисинин орун басары пара менен кармалды (видео)


Иллюстрациялык сүрөт.

Чүй облусунун Жайыл райондук ички иштер бөлүмүнүн ыкчам иштөө бөлүмүнүн башчысынын орун басары 15-апрелде 40 миң сом пара менен кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы кабарлады.

Маалыматка караганда, ал Кылмыштар менен жоруктардын бирдиктүү реестрине катталган сотко чейинки өндүрүштө оң чечим чыгарууга убада берип, Жайыл райондук ИИБ Жол коопсуздук бөлүмүнүн инспекторунан 5000 доллар талап кылган. Бул сумманын 40 миң сомун алып жаткан жеринен колго түшкөн.

Милициянын подполковнигинин иши Жазык кодексинин 326-беренесинин («Опузалап пара алуу») негизинде Кылмыштар менен жоруктардын бирдиктүү реестринде катталды.

Ал УКМКнын убактылуу кармоочу жайына киргизилди. Учурда атайын кызматтын Башкы тергөө башкармалыгы тарабынан тиешелүү ыкчам тергөө иштери жүрүп жатат. (BTo)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG