Бүгүн 23-апрелде «Ата Мекен» саясий партиясы өз лидери Өмүрбек Текебаевдин бошотулушун талап кылган митинг өткөрөт. Буга чейин кабарлангандай «Ата Мекен» партиясына акция өткөрүүгө уруксат берилген.
Учурда түрмөдө отурган саясатчылар Өмүрбек Текебаев менен Садыр Жапаровдун тарапкерлери чогуу чыгышары мурда кабарланган. Алар бул үчүн «Ата Мекен» жана «Мекенчил» партиялары бир штабга бириккенин маалымдашкан.
«Ата Мекен» партиясынын лидери Өмүрбек Текебаевдин жана «Мекенчил» партиясынын лидери Садыр Жапаровдун иши Жогорку сотто бир күндө 23-апрелде каралат. (TSh)
