Линктер

ЧУКУЛ КАБАР!
16-Апрель, 2021 жума, Бишкек убактысы 14:09

Назарбаев президенттикке Токаевдин талапкерлигин көрсөттү


Казакстандын мурдагы жана азыркы президенттери Нурсултан Назарбаев менен Касым-Жомарт Токаев.

«Нур Отан» партиясынын лидери, Казакстандын экс-президенти Нурсултан Назарбаев Сенаттын экс-спикери, 20-марттан бери мамлекетти башкарууга киришкен Касым-Жомарт Токаевдин талапкерлигин президенттикке сунуш кыла турганын билдирди. Бул тууралуу Назарбаев бүгүн, 23-апрелде «Нур-Отан» партиясынын XIX жыйынында билдирди.

- Бул кызматка эң татыктуу талапкер деп эсептейм, - деди ал тууралуу Назарбаев.

Казакстандын президенти Касым-Жомарт Токаев Казакстанда мөөнөтүнөн мурда шайлоо 9-июнда өтөрүн жарыялаган. «Нур-Отан» партиясына мүчө болгон Токаев 20-мартта ант берип, президенттиктен кеткен Назарбаевдин ордун баскан.

Дээрлик 30 жылдан кийин мамлекеттик башчылыктан кетсе да, партиянын төрагасы бойдон калган экс-президент Нурсултан Назарбаев 10-апрелде билдирүү таратып, «Нур-Отан» партиясы 23-апрелде кезексиз курултайын өткөрөрүн маалымдаган.

22-апрелде Казакстандын Борбордук шайлоо комиссиясына биринчи талапкер, журналист Садыбек Тугел документин тапшырды. Анын талапкерлигин «Ұлы Дала Қырандары» партиясы көрсөткөн.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG