Линктер

ЧУКУЛ КАБАР!
22-Октябрь, 2021 жума, Бишкек убактысы 03:09

Тажикстанда Интернеттин баасын көтөргөн аткаминер иштен кетти


Монополияга каршы кызматтын иштен алынган жетекчиси Сади Кодирзода.

Тажикстанда Интернеттин кымбаттаганына байланыштуу өкмөткө сын айтылып жаткан маалда Монополияга каршы кызматтын жетекчиси Сади Кодирзода иштен алынды. Бирок тажик президентинин басма сөз кызматы бул аткаминер башка ишке өткөнүнө байланыштуу гана кызматтан кеткенин 23-апрелде кабарлады.

Анын ордуна өкмөттүн Стандартташтыруу боюнча агенттигинин жетекчисинин орун басары Икромиддин Вализода дайындалды.

Монополияга каршы кызматтын 18-апрелдеги чечими менен Тажикстанда Интернет байланыштарынын акысы кеминде эки эсе кымбаттаган. Ага ылайык, тажик колдонуучулары буга чейин 30-35 сомониден сатылып келген 1 Гб (1024 Мб) Интернет үчүн кеминде 62 сомони же 6,5 доллар төлөй башташты.

Өкмөттүн мындай чечиминен кийин Дүйшөмбүнүн тургундары Интернет үчүн киргизилген жаңы тарифтерди жокко чыгаруу боюнча өтүнүч менен президент Эмомали Рахмондун атына кайрылуу даярдап, кол топтоого өтүшкөн.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG