Линктер

ЧУКУЛ КАБАР!
26-Октябрь, 2021 шейшемби, Бишкек убактысы 17:19

Зеленский газдын баасын арзандатууну сүйлөшүүгө чакырды


Владимир Зеленский.

Украинадагы президенттик шайлоодо жеңип чыккан Владимир Зеленский өкмөттү жана “Нафтогаз Украина” мамлекеттик компаниясын 1-майдан тарта газ баасын төмөндөтүү үчүн Эл аралык валюта фонду менен сүйлөшүүгө чакырды.

Буга чейин Эл аралык валюта фонду газ базар баасында болушу керектигин билдирген.

Ал эми Зеленский "Фейсбукта" “акыркы төрт айда Европада газ баасы арзандады. Эми украиналыктар үчүн газ баасы Европадагыдан кымбат болуп калды” деп билдирди.

Өткөн жылдын ноябрында украин өкмөтү көгүлтүр отундун баасын 23,5 пайызга көтөргөн. Ушундан соң Эл аралык валюта фонду Украинага 3,9 млрд доллар насыя берүүгө макул болгон.

Мурдагы планга ылайык газдын баасы майдан тарта дагы 15 пайызга кымбатташы керек эле. Азырынча "ЭВФ" жетекчилиги Зеленскийдин билдирүүсүнө комментарий бере элек.

Украинада 21-апрелде өткөн президенттик шайлоонун экинчи айлампасында актер, куудул Владимир Зеленский учурдагы мамлекет башчы Петр Порошенкону 73,22 пайыз менен утуп чыккан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG