Линктер

ЧУКУЛ КАБАР!
19-Апрель, 2021 дүйшөмбү, Бишкек убактысы 03:30

Түркмөнстан чет элдик ЖОЖдордун дипломдорун тааныбайт


Ашхабаддагы гуманитардык илимдер университетинин имараты.

Түркмөнстандын Билим берүү министрлиги өлкөдө таанылбай турган адистиктердин тизмесин жарыялады. Ал тизме «Азаттыктын» түркмөн кызматынын колуна тийди.

Ага негизинен чет элдик окуу жайлардын 146 багыт боюнча дипломдору кошулган. Тактап айтканда, бухгалтердик каттоо жана аудит, эл аралык мамилелер, юриспруденция, укук коргоо ишмердүүлүгү, журналистика, финансы, маркетинг, психология, орус тили адистиги боюнча чет мамлекеттерден билим алгандардын дипломдору киргизилген.

Ошол эле кезде түркмөн бийлигинин чечимине ылайык, айрым өлкөлөрдөгү жогорку окуу жайлары тизмеден чыгарылды. Мисалы, Орусиядагы, Индиядагы, Түркиядагы, Казакстандагы, Кытайдагы, Беларустагы бир катар университеттер бул тизмеге киргизилген эмес.

Быйыл 1-сентябрдан тартып күчүнө кире турган жаңы эреже тууралуу түркмөн өкмөтү азырынча расмий билдирүү тарата элек.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG