17-апрелде эки ай тергөө абагына камалган Мамлекеттик каттоо кызматынын төрагасынын орун басары Руслан Сарыбаев үй камагына чыгарылды. Бул тууралуу «Азаттыкка» УКМКнын басма сөз өкүлү Рахат Сулайманов кабарлады:
- 2019-жылдын 26-апрелинде Бишкек шаардык соту Сарыбаевдин бөгөт чарасын өзгөртүп, үй камагына чыгарган.
Буга чейин Руслан Сарыбаевдин апасы 27-апрелде каза болгону маалым болгон. Сарыбаевдин өзү да кант диабети менен ооруп жүргөнү айтылып келет.
Тендер чырына байланыштуу Мамлекеттик каттоо кызматынын төрагасынын орун басары Руслан Сарыбаев менен бирге статс-катчы Данияр Бакчиев жана «Инфоком» мамлекеттик ишканасынын башчысы Талант Абдуллаев 17-апрелде эки айга тергөө абагына камалган. Бакчиев менен Абдуллаев учурда УКМКнын тергөө абагында олтурат. (KR)
