Азыктын бул түрүн темир жол транспорту менен ташуу боюнча тарифтерге 60 пайыздык жеңилдикти жана кошумча кызмат көрсөтүүгө 50 пайыздык жеңилдикти камсыз кылган мөөнөт аяктады.
Премьер-министр Мухаммедкалый Абылгазиев 28-февралдагы чечимине ылайык аталган жеңилдиктин мөөнөтү 1-майга чейин деп белгиленген. Чечимди мамлекеттик «Кыргыз темир жолу» компаниясы аткармак.
Бул аралыкта поезд аркылуу сыртка канча картөшкө ташылганы жана бул жеңилдик узартылаар-узартылбасы кабарланган жок.
19-февралда Казакстан Кыргызстандан картөшкө сатып алууга убактылуу тыюу салып, сүйлөшүүлөрдөн кийин мартта кайра алган. Былтыр Өзбекстан да чектөө киргизип, эки-үч айдан кийин кайра уруксат берген эле. (ErN)
