Линктер

ЧУКУЛ КАБАР!
21-Октябрь, 2021 бейшемби, Бишкек убактысы 18:18

ЛГБТ өкүлдөрү аларды «Кырк чоронун» мүчөлөрү урганын айтып чыгышты


«Кырк чоро» бирикмесинин өкүлдөрү.

Феминисттерден жана ЛГБТнын өкүлдөрүнөн турган «8/365» уюму анын мүчөлөрүн «Кырк чоронун» мүчөлөрү жумуртка менен урганын билдирди.

Бүгүн, 1-майда ЛГБТ өкүлдөрү пикникке чыккан маалда аларга белгисиз бирөөлөр келип, ыдык көрсөтүп, жумуртка менен ура баштаган. «8/365» уюмунун өкүлдөрү паркта жүргөн милиция кызматкерлери мындай аракеттерди токтотууга же тоскоол кылууга шашылбаганын айтып, нааразылыгын билдиришти.

«Кырк чоро» уюмунун лидери Замирбек Көчөрбаев аларга «Whatsapp» аркылуу феминисттер жана ЛГБТ өкүлдөрү бүгүн бир иш-чара уюштуруп жатканы тууралуу билдирүү келгенин айтып, бирок алар иш-чарага жөн гана көз салуу максатында барганын ачык айтты.

Буга чейин, 8-мартка карата марш уюштурган феминисттик уюмдардын өкүлдөрү аларды «Кырк чоро» уюму, депутаттар жана башка белгисиз адамдар коркутуп жатканын айтышып чыккан.

Анда Бишкектеги феминисттердин маршы тууралуу талкуу парламентке да жеткен. Бир катар депутаттар 8-марттагы жүрүштү кескин айыптап, акцияны «гей-парад» деп баалашкан.

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG