Улуу Жеңиш күнүнө карата Чолпон-Ата шаарында өтүп жаткан көкбөрү боюнча республикалык турнирде биринчи лиганын финалисттери аныкталды. Жарым финалда Таластын «Алкан-Ата» командасы Ысык-Көлдүн «Көл-Төр» улакчыларына 1:4 эсебинде утулуп калды.
Экинчи жупта «Кара-Бууранын» улакчылары «Ат-Башыны» 5:2 эсебинде жеңип финалга жолдомо алды.
Натыйжада «Кара-Буура» жана «Көл-Төр» командаларынын ортосунда финалдык оюн 9-май күнү өтөт. Ал эми эртең 8-майда үчүнчү орун үчүн «Алкан-Ата» жана «Ат-Башы» ойнойт.
Бүгүн ошондой эле жогорку лигадагы командалардын жарым финалдык оюндары болот. Анда Таластын «Ынтымак» командасы Чүйдүн «Сары-Өзөн Рассвет» менен ойнойт. Ошондой эле экинчи жупта Оштун «Достук» улакчылары «Сары-Өзөн» командасы менен талаага чыгат. (SDz)
