Линктер

ЧУКУЛ КАБАР!
27-Октябрь, 2021 шаршемби, Бишкек убактысы 12:35

Көкбөрү: «Көл-Төр» биринчи лигада жеңүүчү болду (видео)


«Көл-Төр» менен «Кара-Бууранын» оюнунан.

Улуу Жеңиш күнүнө карата Чолпон-Ата шаарында өтүп жаткан көкбөрү боюнча республикалык турнирде биринчи лигада Ысык-Көлдүн «Көл-Төр» командасы жеңүүчү болду.

Бүгүн, 9-майда баш байге үчүн болгон беттеште көлдүктөр Таластын «Кара-Буура» командасын 2:1 эсебинде жеңип алды.

Аталган лигада 3-орунду Таластын «Алкан-Ата» командасы алган. Кечээ, 8-майда 3-орун үчүн болгон беттеште таластыктар Нарындын «Ат-Башы» командасын 3:0 эсебинде жеңип алган эле.

Жеңиш күнүнө карата уюштурулган республикалык көкбөрү турнири биринчи лига менен жогорку лигадагы командалар арасында өтүп жатат. Биринчи лигадагы оюндарга 16, жогорку лигадагы оюндарга 6 команда бөлүнгөн.

Жогорку лиганын финалында Таластын «Ынтымак» жана Оштун «Достук» командалары таймашат. Оюн саат 15:30да башталат.

Көкбөрү боюнча республикалык турнирдин 8-9-майда болгон оюндарын «Азаттык» социалдык тармактагы баракчалары аркылуу түз эфирде чагылдырууда. Оюндарды «YouTube» видеопорталындагы «Azattyk» жана «Фейсбуктагы» «Kyrgyz Azattyk Unalgysy», «Azattyk Media» баракчаларынан көрсөңүз болот. (SDz/ECh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG