Линктер

ЧУКУЛ КАБАР!
3-Декабрь, 2021 жума, Бишкек убактысы 14:16

АКШ чабарманы менен «Талибан» өкүлдөрүнүн кезектеги сүйлөшүүсү аяктады


Залмай Халилзад.

АКШнын Ооганстан боюнча атайын чабарманы Залмай Халилзад «Талибан» менен диалогдо «тез прогресс» талап кылынарын билдирди.

Сүйлөшүүлөрдүн кезектеги айлампасы 9-майда Доха шаарында аяктады. Дипломаттын айтымында, жаңжал күчөп, бейкүнөө адамдар өлүп жаткан кезде сүйлөшүүгө аракет жай жүрүп жатат.

Мунун алдында «Талибан» кыймылынын өкүлү Забихулла Мужахид сүйлөшүүлөрдүн бул айлампасын оң баалаган жана тараптар чет элдик аскерлерди Ооганстандан чыгаруу, ооган жергесинен башка мамлекеттерге коркунучтун пайда болушунун алдын алуу чаралары талкууланганын айткан. Мужахид айрым маселелерде жылыш болгонун билдирип, бирок «калган пункттар дагы каралууга тийиш» деп кошумчалады.

Катардын баш калаасындагы сүйлөшүүгө Халилзад жана «Талибандын» Дохадагы саясий кеңсесинин жетекчиси Шер Мохаммад Аббас Станекзай катышты.

Вашингтон 18 жылдан бери токтобой жаткан согушка чекит коюу аракетинде талибдер менен июлдан бери сүйлөшүү жүргүзүп жатат.

«Талибан» Кабул өкмөтү менен тикелей сүйлөшүүдөн баш тартты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG